Restaurants et cuisines Maktoom Bakhlah

بالنسبة للأكل ممتاز ولا عليه كلام ابد، افضل مكتوم بالرياض. بس عمال النظافة سيئين للغايه ولا ينظفون بعد كل واحد الا بعد هواش والرز منثور بكل مكان. المكان ضيق جداً لازم تمسك طابور عشان تجلس، ضروري يوسعون المكان ويجيبون عمال نشيطين ينظفون اول باول.

ماشاء الله شغل حلو وطعم لذيذ، اللحم واضح انه صغير وطازج ومختار بعناية.. طبخ الرز عندهم ممتاز، جربنا المكتوم كان اختيار موفق.. المكان بعيد شوي لمن هو في شمال الرياض بسبب زحمة الدياري، الجلسات مره قليلة ومحدودة.. والجميع ينصح بالطلب محلي يكون افضل ..

مكتوم لحم ممتاز جدا ١٠/١٠ لكنه دسم بزياده
العيب في المطعم ان مكان الجلوس صغير مره وزحمه وتنتظر عشان تاخذ مكان + لايوجد دورة مياه

الأكل جداً جداً لذيذ اللحم المكتوم والرز رهيب وشغل نضيف
السعر غالي النفر ب 80 ريال عندهم دقوس روعة.
طبعاً الدسم في الرز ملحوظ.
الكمية ممتازة نفرين يكفي ثلاث أشخاص
الجلسات جداً سيئة زحمة وضيق والناس جنب بعض .
الخدمة سريعة .

ماشاء الله تبارك الله
من أفضل مطاعم اللحم والرز الشعبي علا مستوي المملكة والرياض خاصه
لذيذ جدا جدا
مكان شعبي صغير ومزدحم
أنصحكم تجربوة لايفوتك يالي بالرياض 😋

الاكل بطل لكن انصح الجميع انهم ياخذوا سفري ، الجلسات الي عندهم يدوب تكفي ٢٥ شخص ولازم تنتظر طابور طويل في مكان ضيق جداً عشان تنتظر احد يقوم وتجلس مكانه، وتاكل والناس فوق راسك ينتظروك تخلص، وبعدها معاناة انت تنتظر انك تغسل، ما عندهم الا مغسلتين، تسألني اكرر التجربة؟ نعم اكررها لاجل الاكل والطعم والجودة😅، طبعاً طلبنا كان تيس مدفون وكان يبيض الوجه صراحة، لو تبغى بيبسي دايت ما عندهم.. جيب معاك.
اذا ما يهمك الزحمة والانتظار تعال هنا وانت مغمض لانه يستااالهل من الاخر!!!

مطعم ممتاز جدا للأكل الشعبي في حي خنشليلة جنوب شرق الرياض. شارع معن ابن زائدة.
متخصص بابداع في اللحم الحنيذ. واللحم المكتوم.
بعيبه فقط الزحام وقلة الجلسات أيام إجازة الأسبوع.
أنصح بشدة بزيارتهم